Buscamos 10 clínicas para facer ben Kiku.

Que levas

• De balde ata o 28 de febreiro de 2027, como todas as clínicas.
• Despois, 49 € + IVE ao mes conxelados durante 24 meses.
• Mención como Clínica fundadora no directorio de Mizuu, só se nos dás permiso por escrito.
• Liña directa co equipo de Mizuu e voz no que se desenvolva despois.

Que che pedimos

• Tres conversas de 20 minutos: nas semanas 2, 4 e 8.
• Revisar polo menos 20 notas de Kiku comparándoas coa túa e marcar os erros.
• Contarnos o que falla, aínda que sexa pequeno.

O que Kiku fai hoxe e o que non

Fai

• Ordena nunha nota o que ditas: motivo, anamnese, exploración, diagnóstico e plan.
• Márcache as cifras que escribe e non dixeches, como un peso ou unha dose.
• Calcula doses con regras e fontes de referencia, coa fonte á vista.
• Amósache, antes de entrar, alerxias, peso, vencidos e última visita do paciente.

Non fai

• Non diagnostica.
• Non pon doses pola súa conta.
• Non escoita a sala: só o que ditas.
• Non garda nada sen que o revises.

Os teus datos

Kiku ordena a consulta en servidores propios de Mizuu en España. O ditado transcríbese no teu dispositivo: na app de Android, no propio móbil cando ten recoñecemento de voz local; en Chrome, pasa polos servizos de Google. As túas notas non se usan para adestrar a Kiku. Asinamos contigo un contrato de encargado do tratamento e podes marchar cando queiras cos teus datos.

O que non prometemos

• Mellor posición no directorio: a orde non se vende como favor.
• Exclusividade na túa zona.
• Cifras de aforro de tempo: medímolo contigo.